Velkommen til Arena Overøye

Med utgangspunkt på parkeringsplassen i Overøye kan du no finne eit løypenett med rundt rekna 30 km oppkøyrde turløyper. Brukarane set stor pris på dette, og det manglar ikkje på lovord om dei godt preparerte langrennsspora.
NB. Det er gratis parkering på parkeringsplassen måndag, tirsdag, onsdag, torsdag og fredag i vinterferieveka.

Bildetekst: Magne Staurset i løypemaskinen ved Fokhaugstova
Foto: Kristian Almås

Skirennet i Overøye i dag vart avvikla under svært gode forhold. Sjå omtale av rennet under:

Stordal Alpin

Resultat frå rennet finn du under:

Resultatlister

Bildetekst: Krinsmeistrar SSL ved Arena Overøye 21. februar 2010
Foto: Hallgeir Hove

Stordal Alpin arrangerer skirenn førstkomande helg. Laurdag blir det kvalifiseringsrenn til landsfinale og hovudlandsrenn. Søndag blir det krinsmeisterskap i storslalåm. Begge renna startar kl 11.00.
Stordal Alpin
Bildetekst: Unge alpinistar frå Stordal
Foto: Hallgeir Hove

I morgon skal Skodje barneskule ha skidag ved Arena Overøye. Anlegget blir då også ope for andre frå ca kl 10.00 til kl 14.00.
Bildetekst: Skuleskidag ved Arena Overøye
Foto: Kristian Almås

I vinterferien held Arena Overøye ope kvar dag mellom kl 10.30 og kl 16.30. Skianlegget er altså ope dagleg frå og med laurdag 20. februar til og med søndag 28. februar. Det blir også kveldskøyring som vanleg i vinterferieveka.
Stordal Skipatrulje vil ha vakt heile vinterferien.
Vi minner om at forholda no ligg svært godt til rette for skiaktivitetar på mange nivå frå avansert laussnøkøyring til skileik for små barn.
Bildetekst: Skileik i Overøye
Foto: Kristian Almås

Siste helg var det fleire hundre gjester både laurdag og søndag ved alpinsenteret i Overøye. For å halde alle hjula i gang, må funksjonærar vere på plass både her og der. Ingvill og Ingvild hadde søndag fullt arbeid i billettbua. Alle trekka var i drift. Beltetrekket eller skibandet som det blir kalla, er svært populært blant dei yngste. Dette er eit gratis tilbod for barn og andre som er i opplæringsfasen før dei tar fatt på dei store skitrekka.

Bildetekst: Ingvill Flo og Ingvild Mistereggen ved den nyinnkjøpte snøscooteren
Foto: Kristian Almås

Det er venta stor aktivitet i Overøye til helga. Snøforholda er no på sitt aller beste, og preparering av løyper og trasear går sin gang. Med dei store mengdene av nysnø i området må vi fråråde laussnøkøyrarar å sette utfor i bratte heng, men heller halde seg i nærleiken av SuperG-traseen og dei andre opptrakka løypene.

Bildetekst: Kristiane Nakken i slalåmløypa
Foto: Hallgeir Hove

Arena Overøye vil arrangere skidag i Stordal laurdag 20. februar, kl. 1130-1630.
Det vil bli moglegheit for å prøve og lære om mange ulike vintersports-hjelpemidlar, alt frå sittande alpinski (eigenkjørt eller ledsagarkjørt), ake- og langrennsutstyr.