Velkommen til Arena Overøye

Det vart ein fin dag med sol og god temperatur i Stordalsfjella. Spjelkavik barneskole og ein del elevar frå Borgund videregående skole har skidag ved Arena Overøye og i turområdet. Teljeapparatet ved skisenteret viser bortimot 400 personar i trekka, og mange er på bortovertur i turløypene. På parkeringsplassen kan vi telje opp 10 bussar, og i tillegg til dette har mange foreldre og andre køyrt til Overøye, og alle har altså ein strålande dag med sol og snø. Vi reknar med at den totale utfarten i dag ligg på rundt 700 personar.

Bilde: Monica Olsen og Jan Petter Larsen er to av foreldra som har køyrt til Overøye i dag.
Foto: Kristian Almås

Sesongen for skuleskidagar er i gang. For veke 11 har Arena Overøye tatt imot bestillingar frå fleire skular. Vi held ope tirsdag 15. mars, onsdag 16. mars og torsdag 17. mars, alle dagar mellom kl 10.00 og ca kl 14.00. Skianlegget er ope for alle desse dagane, og utsiktene for ver og føre er gode.

Velkommen til læring og leik i sol og snø ved Arena Overøye!

Bilde: Arena Overøye 2011
Foto: Kristian Almås

Dei tre siste døgna har det kome 23 cm tørr nysnø i området i og rundt Arena Overøye.

Snørapport er å finne på Skiinfo.

Det er gode vermeldingar framover dei første dagane, slik at ei ny helg med fantastiske forhold i og utanfor løypene er i vente. Det lir no på året, og når sola får sleppe til, merkast solvarmen godt.

Bilde: Utsikt frå Auskjeret 1340 m.o.h.
Foto: Runar Helland

Prøve på UNG - 2011 ved Arena Overøye som skulle arrangerast måndag 28. februar, er avlyst grunna sjukdom.

I vinterferien vert det sett opp buss frå Ålesund til Overøye kvar dag.
Bussen gjeng frå Ålesund Bussterminal klokka 09.00 og frå Moa bussterminal ca kl. 09.20.
Retur frå Arena Overøye ca. kl. 16.30. Gjeld frå laurdag 26. februar t.o.m. søndag 6. mars.
Pris kr. 100,- tur/retur (rett pris!).

Måndag 28. februar arrangerer Friluftsrådet for Ålesund og omland prøve på UNG - 2011 ved Arena Overøye.

Strålande ver og fantastiske snøforhold førte til rekordutfart så langt denne sesongen. Arena Overøye melder om 500 einskildpersonar i trekka laurdag og 700 på søndag. I turløypene var det svært mykje folk å sjå, slik at desse tala må minst doblast for å få eit nokolunde inntrykk av den totale utfarten. Parkering og trafikkavvikling gjekk heilt greitt utan vanskar av noko slag. Ved Arena Overøye vart det arrangert skirenn med KM i Super-G og Sparebanken Møre Cup i Super-kombi under særs gode forhold. Resultatlister for desse renna vil vere å finne på nettsida for Stordal Alpin. http://www.stordalil.no/index.php/stordal_idrottslag/alpin/startside
Bilde: Auskjeret 1340 m.o.h.
Foto: Kristian Almås

Den siste tida har det kome store mengder med tørr nysnø. Pudderalarmen på nettsida til Arena Overøye har blinka i fleire dagar. Det nærmar seg helg med flotte vermeldingar og gnistrande føre i godt preparerte alpinløyper og turløyper. Særleg i området ved Nakkeløypa ligg pudderet urørt, og dei som driv denne sporten, kan rekne med full klaff både med ver og føre denne helga. Velkommen til skiopplevingar og skiglede!

Nye bilde frå Arena Overøye

Bilde: Magnus Selboskar med trakkemaskinen i Nakkeløypa.
Foto: Kristian Almås