Velkommen til Arena Overøye

Vi sel skikort også denne helga!

Billettar/kort kan kjøpast i billettbua på Overøye:

• laurdag 3. desember 14.00 - 16.00
• søndag 4. desember 11.00 - 13.00

Prisar for sesongen er lagt inn, sjå under prisar i menyen over.

Også denne helga held vi ope for billettsal. Unngå kø når sesongen først kjem i gong!

Billettar/kort kan kjøpast i billettbua på Overøye:

• laurdag 12. november 13.00 - 15.00
• søndag 13. november 13.00 - 15.00

Prisar for sesongen er lagt inn, sjå under prisar i menyen over.

Det nærmar seg styggfort ein ny sesong i løypene på Overøye.

For dei som vil sikre seg å unngå å måtte stå i kø når snøen først har lagt seg og vi er i full aktivitet, vert det høve til å kjøpe seg kort i billettbua på Overøye førstkomande laurdag 5. november klokka 11.00 - 15.00.

Prisar for sesongen er lagt inn, sjå under prisar i menyen over.

No er påska her, og det er også påskeveret. I dag er det sol frå klar himmel i Stordal. Ved Arena Overøye er det godt med snø og nypreparerte trasear. Bildet frå webkameraet viser at Bratthenget er godt snødekt, og vidare oppover i traseane er det naturlegvis endå betre. Det er altså ingen grunn til å klage på ver- og snøforhold. I høgfjellet ligg snøen enno djup og fast. Ein topptur til Stolen eller Auskjeret kan bli ei minnerik skioppleving og ei god avslutning på skisesongen.

I dag er det sol og snø nok til alle ved Arena Overøye. Velkommen hit!

Bilde: Arena Overøye i morgontimane i dag, langfredag 2011.
Foto: Kristian Almås

Mildveret har tært på snøen i det siste, men likevel ser det ut for å bli nok snø i påska. Ved toppen av T- trekket er snødjupna rundt 150 cm. Det er altså nok snø og gode forhold både i trekktrasear og i nedfartene.

Ute i turløypene kan det kanskje nokre stader vere ope vatn, men Stordal Fjellservice vil sørgje for preparering og køyre der det er forsvarleg i det bortimot 30 km lange løypenettet. God informasjon om dette er å finne på nettet.

Vi er no inne i den finaste tida for toppturar. Kva med ein topptur til f. eks. Storådalstinden 1430 m.o.h? Toppturen til Auskjeret kan du starte ved endestasjonen av T-trekket 800 m.o.h., og dette er då ein lett måte å kome høgt til fjells på.

Velkommen til Arena Overøye i påskeferien!

Bilde: Frå toppen av Auskjeret 1340 m.o.h. Lauparen litt til venstre for midten av bildet, og utsikt mot Molde til høgre for midten av bildet.
Foto: Kristian Almås

I dag søndag 3. april var det godt ver og gode snøforhold ved alpinanlegget. Det vert lagt ned ein stor dugnadsinnsats for å kunne drifte Arena Overøye. I varmestova vert det selt mat og drikke, og i dag var det Jill Mari Almås og Marita Ekroll som hadde vakt. Eit utdrag av prislista ser slik ut:
Meny 1 Pølse m/ brød og brus/vann 45,-
Meny 2 Pølse m/stappe og brus/vann 50,-
Meny 3 ¼ Pizza og brus/vann 45,-
Meny 4 Baguett m/ost, skinke og brus/vann 50,-
Meny 5 Vaffel m/sylte/rømme og kaffi 25,-

Bilde: Jill Mari Almås med prislista
Foto: Kristian Almås

Alpinløypene er godt preparerte, og det er rikeleg med snø både i og utanfor løypene. Alle trekka er i drift, og i varmestova vert det servert mat og drikke. Når vi i dag skriv 1. april, seier det seg sjølv at det er ikkje så svært mange helgar att av denne alpinsesongen, men den føreståande helga ser lovande ut, så ta gjerne turen til Arena Overøye.
Stordal Fjellservice sørgjer for fint preparerte turløyper.

Bildetekst:
Ved den gamle Storvasshytta er det bygt opp eit heilt, lite hyttetun. Frå venstre ser vi den nye Storvasshytta med mellom anna nye sengeplassar, så ser vi det gamle og det nye uthuset. I det nye uthuset er det mellom anna bygt ein heilt ny utedo. Til høgre ser vi den gamle Storvasshytta, som er ei noko utvida hytte etter den aller eldste.
Foto: Kristian Almås

Øvre Stordal er kjend for store snømengder. Dei siste 7 døgna har det no kome 123 cm snø, og snødjupna nærmar seg 2 m. Mange synest dette er mykje, men det er langt frå rekord. Ved å bla litt i notata for tidlegare snømålingar finn vi mellom anna at det i år 2000 var rundt 2,5 m. Det er ofte i mars månad at desse store snømengdene kjem, og særleg når vindretninga står på nordvest. Den 16. mars år 2000 vart det målt 2,5 m, så minka det litt, men den 24. mars var snødjupna på nytt 2,5 m.

Bilde: Hytte med snø på taket
Foto: Kristian Almås